სვატი

RECOMMENDED MOVIES

მისტერ და მისის კხანა / Main Aur Mrs Khanna

სვატი

23 ოქტომბერი - 5 ნოემბერი

ცხოველი - კამეჩი (მამრ.)

სვატი დაკავშირებულია ვარსკვლავ არკტურთან (α- ვოლოპასა), ეს ღვთაებრივი ვარსკვლავია. სვატი ითარგმნება, როგორც "ხმალი" და როგორც "ქურუმი". სვატი ცნობილია ასევე, როგორც "დამოუკიდებელი". რაც მიანიშნებს ადამიანის აზრებისა და საქმეების დამოუკიდებელ ხასიათზე. კამეჩი აერთიანებს წარმოუდგენელ ამბიციურობას უკიდურეს იდეალიზმთან. მისი მიზანი არის სიმდიდრე და წარმატება. მას სურს იყოს ყველაზე უკეთესი და ისტორიაში დატოვოს კვალი.

კამეჩს უყვარს ძალაუფლება, აქვს შორეული გეგმები და მანევრები, მაგრამ გულის სიღრმეში კრავივით უმწიკვლოა, თუმცა ამას ცოტა ვინმე თუ ხვდება. მათი სიყვარული შორსაა ეფემერულობისგან. ისინი მომთხოვნები არიან და მიისწრაფვიან სრულყოფილებისკენ... რასაც ხანდახან ტანჯვა მოაქვს. ხანგრძლივი ურთიერთობის შესახებ გადაწყვეტილების მისაღებად მათ სჭირდებათ სერიოზული, საიმედო პარტნიორი, რომელსაც ისინი "კვარცხლბეკზე" აიყვანენ და რომელსაც ყურადღება უნდა მიაქციონ, რომ ის იქიდან არ ჩამოუვარდეთ, თორემ ეს იქნება მათი ილუზიების კრახი.

ისინი წარმოუდგენლად მგრძნობიარეები არიან, უყვართ სექსი, ურთიერთობის დაწყებამდე მათ შეუძლიათ დამალონ თავიანთი ბუნების ეს მხარე და მხოლოდ ინტიმური სიახლოვის დროს გამოამჟღავნონ. მათ შეუძლიათ ხელსაყრელ დრომდე დაცდა და შემდეგ მოქმედება, სექსი არის მათი მძლავრი იმპულსი და არ თვითმიზანი.

ოჯახის შექმნა - სვატისთვის მნიშვნელოვანი ცხოვრებისეული ამოცანაა, თუმცა თავის რჩეულების მიმართ ისინი ხშირად კრიტიკულები არიან და შარის მოდებასაც არ ერიდებიან. ისინი ძალიან პრაქტიკულები არიან და მტკიცედ დგანან მიწაზე, თუმცა მალავენ თავისი ბუნების ამ მხარეს. ისინი დიდ მნიშვნელობას არ ანიჭებენ თავიანთ სექსუალურობას და შეუძლიათ თავისი სურვილების დასაკმაყოფილებლად დაუცადონ ხელსაყრელ მომენტს.

საუკეთესო პარტნიორები არიან: კამეჩი (მდედრ.) (ჰასტა), სპილო (მამრ.)(ბჰარანი), სპილო (მდედრ.) (რევატი), ცხვარი (მდედრ.) (კრიტიკა), ცხვარი (მამრ.) (პუშია), ხარი (უტარ-პჰალგუნი) და ძროხა (უტარ - ბჰადრა).

ამ სახლს მართავს ამომავალი მთვარის კვანძი ან რახუ-დრაკონის თავი.