შრავანა

RECOMMENDED MOVIES

შრავანა

24 იანვარი-5 თებერვალი

ცხოველი - მაიმუნი (მდედრ.)

შრავანა დაკავშირებულია ვარსკვლავ გიედისთან (α-თხის რქა). ეს ბუნებით ღვთიური ვარსკვლავია, მისი სახელწოდება ითარგმნება, როგორც "მოსმენა" "ყური". ეს არის განსწავლულობის ვარსკვლავი, დაკავშირებულია ვიშნუსთან. ის სიმბოლოა ისეთი ცოდნის მიღების, რომელიც ეხმარება ამ ნიშნის ქვეშ დაბადებულ ადამიანებს გავიდნენ მატერიალური სამყაროს მიღმა. ეს მოძრავი ვარსკვლავია, რომელიც ხელმძღვანელობს მომსახურე და მორჩილებაში მყოფ ადამიანებს.

გესლიანად მოლაპარაკე, ჭკვიანი, ხანდახან გენიალური მდედრი - მაიმუნი ილუზიების ფარდის მიღმა ჭვრეტს ჭეშმარიტებას. შეუძლია ჩაწვდეს მდუმარების არსს და ყოველთვის მიისწრაფვის დასახმარებლად. ისინი წევრიანდებიან ასოციაციებში, კომუნებში, სხვადასხვა მოძრაობებში და იცავენ ადამიანის უფლებებს, ეხმარებიან გაჭირვებაში მყოფთ. მათი გარეგნული გულცივობის უკან იმალება მგრძნობიარე და სენტიმენტალური გული, მაგრამ ისინი კარგად ინიღბებიან და ძალიან უჭირთ ღრმა გრძნობების გამოხატვა.

ისინი დამოუკიდებლები არიან, ამიტომ პარტნიორებს მოუწევთ შეიცნონ მათი ნაზი სული და სწორად გაიგონ მათი მდუმარება, განმარტოების მოთხოვნილებისა და წყნარი ინტიმური ცხოვრების სურვილი. ისინი მომხიბვლელები და მოჩვენებითები არიან, სექსს სერიოზულად არ ღებულობენ და ვნებიან და დრამატულ ურთიერთობებს გაურბიან.

მათთვის ეს გრძნობა გართობაა. მათ ურჩევნიათ პარტნიორის შეცვლა, თუ ის ბედნიერებას ვერ მიანიჭებს. მათ უჭირთ საკუთარი გრძნობების გამოხატვა და დაუღალავად ეძებენ იმას, ვინც მათ დელიკატურობას დააფასებს, ჩასწვდება მათ ღრმა გრძნობებს და მათ განმარტოებისკენ ხშირ სწრაფვას გაგებით შეხვდება. ამავე დროს ისინი საკუთარი მახვილგონიერებით მოხიბლულნი ხშირად ახლო ურთიერთობებს სერიოზულად არ ღებულობენ.

საუკეთესო პარტნიორები არიან: მაიმუნი (მამრ.) (პურვა - ასადხა), ძროხა (უტარ - ბჰადრა), ცხენი (მამრ.) (აშვინი), სპილო (მდედრ.) (რევატი), სპილო (მამრ.)(ბჰარანი), კატა (მდედრ.) (პუნარვასუ) და კატა (მამრ.) (აშლეშა).

ამ სახლს მართავს მთვარე.